Жиззах вилоятида 200 гектарлик гольф комплекси қурилмоқда

2019 йилнинг 13 августида Ўзбекистон Республикаси Президентининг туризм инфратузилмасидаги мавжуд муаммоларни ҳал этиш, тақдим этилаётган хизматлар сифатини ошириш ва жаҳон бозорларида миллий туризм маҳсулотларини фаол тарғиб қилиш, туризм тармоғининг кадрлар салоҳиятини кучайтириш орқали туризм соҳасида амалга оширилаётган ислоҳотлар самарадорлигини ошириш ҳамда республикага кириб келаётган хорижий фуқаролар сонини кескин кўпайтириш мақсадида ПФ-5781 сонли Фармони қабул қилинган.

Ушбу Фармон орқали қатор муҳим қарорлар қабул қилинди.

Шунга кўра, Тошкент вилоятида Жанубий Кореянинг “Ceok Tae Global” компанияси томонидан 1,3 га ерда электрон гольф клуб қурилмоқда. Жиззах вилоятида Жанубий Кореянинг “Mirasmanda Golf resort” компаниясига гольф комплекс қуриш учун 200 га ер ажратилди.

Бу ҳақда Туризмни ривожлантириш давлат қўмитаси ўтказган матбуот анжуманида хабар қилинди.