Жиззах шаҳрида эҳтиёжманд, ижтимоий ҳимояга мухтож оилаларга моддий ёрдам кўрсатиш ишлари давом этмоқда

Жиззах шаҳар ҳокими Акбар Шукуров бошчилигидаги ишчи гуруҳ томонидан 1-сектор ҳудудидаги "Қалия" маҳалла фуқаролар йиғинида “Темир дафтар” рўйхатига киритилган оилаларга Ўзбекистон Республикаси Президентининг 2020 йил 30 июлдаги ПФ-6038-сонли Фармонига асосан оиланинг ҳар бир аъзосига 220 минг сўмдан бир марталик моддий ёрдам пуллари берилди.
2020 йил 11 август ҳолатига кўра шаҳар ҳудудидаги 8 та маҳаллалардаги 215 та оиланинг 954 нафар аъзосига жами 210 млн миқдоридаги пул маблағлари етказиб берилди. Шаҳарда ушбу фармон ижросини таъминлаш юзасидан ишлар давом эттирилмоқда.

Жиззах шаҳар ҳокимлиги Ахборот хизмати