Жиззахда Президентимиз фармони билан жорий йилда давлатимизнинг юксак мукофотларига сазовор бўлган бир гуруҳ юртдошларимизга ушбу мукофотларни тантанали топшириш маросими бўлиб ўтди.
Маросимда вилоят ҳокими Эргаш Салиев иқтисодиёт, ижтимоий, қишлоқ хўжалиги ва хизмат кўрсатиш, илм-фан, таълим, тиббиёт соҳалари фидойилари, ҳуқуқ-тартибот идоралари вакиллари, ҳарбий хизматчиларга, ёшларга “Фидокорона хизматлари учун”, “Меҳнат шуҳрати”, “Соғлом авлод учун”, “Дўстлик” орденлари, “Жасорат”, “Содиқ хизматлари учун”, “Шуҳрат” медали, “Мард ўғлон” давлат мукофотларини топширди.
