Бугун Жиззахдаги кўп қаватли уйнинг бир қисми қулаб тушди, ҳолат бўйича вилоят фавқулодда вазиятлар бошқармаси бирламчи маълумот берди

Бугун 10 январь куни соат 17:15 лар атрофида Жиззах шаҳар Зилол маҳалласи Мустақиллик кўчасида янгидан қурилаётган кўпқаватли уйлардан бири қулаб тушган.
Ҳозирда воқеа жойига вилоят Фавқулодда вазиятлар бошқармаси, ички ишлар ва тиббиёт ходимлари етиб боришиб, ҳолатни ўрганишмоқда.
Жиззах вилоят фавқулодда вазиятлар бошқармаси ахборот хизмати раҳбари Фаррух Абдураҳмоновнинг маълум қилишича, фойдаланишга топширилмаган мазкур бино 6 қаватли бўлиб, хусусий тадбиркор томонидан устки 4 қавати яшаш учун тураржой, пастги 2 қавати нотураржой яъни дўкон сифатида қурилаётган бўлган.
Бирламчи маълумотларга кўра, воқеа натижасида жабрланганлар ва ҳалок бўлганлар йўқ. Шундай бўлишига қарамасдан, ҳозирда қидирув-қутқарув ишлари олиб борилмоқда.

Ҳолат юзасидан тўлиқ маълумот берилади.