Ш.Рашидов_тумани: Интенсив боғ ҳудудида ёнғин содир бўлди

28 июль куни соат 7:56 да Жиззах вилояти Ш.Рашидов тумани “Янгидиёр” МФЙда интенсив боғ ҳудудидаги маъмурий бинода ёнғин келиб чиққан.

Ёнғин жойига вилоят ФВБнинг 2 та ёнғин-қутқарув бўлинмаси юборилган. Бўлинмалар ёнғин жойига соат 8:12 да етиб борган, соат 8:15 да ёнғин ўраб олинган, 8:45 да батамом ўчирилган. Тезкор ҳаракатлар натижасида маъмурий бинонинг 70 кв.м. майдони ёнғиндан сақлаб қолинган. Жабрланганлар йўқ.

«Дастлабки суриштирув натижаларига кўра, ёнғинга бино томидан ўтган электр симларининг қисқа туташуви сабаб бўлган. Кўрилган моддий зарар миқдори аниқланмоқда», дейилади хабарда.