Истиқболли лойиҳалар самараси

Жиззах вилояти Янгиобод туманида инвестиция лойиҳаларини жалб этишда хорижий инвесторлар билан манфаатли алоқалар йўлга қўйилмоқда. Янгиобод тумани ҳокими И.Қаршибоевнинг хорижий инвесторлар билан учрашувида шулар ҳақида сўз борди.

Тадбирда “SAHOVAT INVEST-777” масъулияти чекланган жамияти томонидан 2021-2023 йилларда Африканинг Гана давлати инвестори Омар Ахмед Салех Алмаброук ҳамда Исроилнинг “Green 2000 Agrocultural Equepment & Know-How LTD” компанияси билан ҳамкорликда туманда амалга оширилиши таклиф этилаётган “Шамол электр станцияси” ҳамда “Чорвачилик комплекси” ни ташкил этиш, шунингдек, яна бир қатор ижтимоий лойиҳаларни амалга ошириш бўйича музокаралар олиб борилди. Дастлабки келишувларга эришилди. Мазкур лойиҳалар амалга оширилиши натижасида 1 минг 500 га яқин янги иш ўрни яратилади.