Зомин туманида аҳолини хавфсиз озиқ-овқат маҳсулотларига бўлган талаблари қондирилмоқдами?

Жиззах вилоятининг ҳар бир шаҳар ва туманларида аҳолини жорий йил май ойига қадар гўшт, тухум, ун, ёғ, шакар, гуруч, картошка, сабзи ва пиёзга бўлган эҳтиёжи, бу маҳсулотларни қачон, қаердан олиши бўйича аниқ ҳисоб-китоб бўлишига эътибор қаратилмоқда. 
Озиқ-овқат хавфсизлигини таъминлаш бўйича вилоятнинг ҳар бир ҳудудида алоҳида жамғармалар ташкил этилади. 
Зомин туманида аҳолини хавфсиз озиқ-овқат маҳсулотларига бўлган талабларини қондириш, захира маҳсулотлари базасини мустаҳкамлаш, бозорлардаги нарх-наво барқарорлигини доимий назоратга олиш мақсадида туман ҳокимлиги, прокуратура, ички ишлар, солиқ ва бошқа мутасадди ташкилотлардан иборат махсус гуруҳ деҳқон бозорлари ва савдо мажмуалари фаолиятини мунтазам назорат қилиб бормоқда.