Жиззахда "Ёш ватанпарварлар ва спортчилар учрашуви" ўтказилди

Учрашувда бокс бўйича 2 карра Осиё ва Жаҳон чемпиони Жоҳонгир Зокиров, Ҳадичабону Абдуллаева ҳамда Қўл жанги бўйича жаҳон чемпионати совриндори Шағбоз Мўминов, Маҳлиё Хабибуллаевалар иштирок этиб, спортда эришган ютуқлари, спортнинг инсон ҳаёти ва соғлиги учун қай даражада муҳим эканлиги ва спортчиларга яратиб берилган шароитлар ҳақида маълумотлар беришди.

Қизиқарли тарзда кечган суҳбат давомида ёшлар ўзларини қизиқтирган саволларга жавоб олиб, учрашув ранг-баранг мусиқий чиқишлар билан якунланди.