Мудофаа вазири кубоги учун “Миллий кураш” ва “Тош кўтариш” мусобақаларининг вилоят босқичи ўтказилди

Жиззах гарнизони, Мудофаа ишлари бошқармаси, Ўзбекистон ёшлар иттифоқи вилоят Кенгаши, Ёшлар ишлари агентлиги вилоят бошқармаси ва Жиззах вилояти спортни ривожлантириш бошқармаси ҳамкорлигида ўтказилган ушбу мусобақа ҳарбий оркестр садолари, юрт ҳимоячиларининг кўргазмали чиқишлари билан бошланди.

Таъкидлаш керакки, дастлаб туманлардаги мавжуд 299 та маҳаллалар ва туман, шаҳар ёшлари ўртасида ўтказилган беллашувлар 2000 га яқин ўғлонларни ўзида бирлаштирди.

Миллий кураш бўйича 60, 66, 73 ва 81 кг вазн тоифасида спортчилар гиламга тушган бўлса, тош кўтаришда полвонлар 60, 65, 70, 75 кгда вазнда биринчиликни эгаллашга ҳаракат қилишди.

Тадбир сўнгида ғолибларга ташаккурнома, диплом ва қимматбаҳо совғалар топширилди.