Фориш туманида судлар томонидан “Аёллар дафтари”га киритилган хотин-қизларга ҳуқуқий ёрдам кўрсатилмоқда

Фуқаролик ишлари бўйича Фориш туман суди раиси Эркин Умурзаков, Фориш туман жиноят суди раиси Салим Ботировлар томонидан “Осмонсой” маҳалласида яшовчи “Аёллар дафтари”га киритилган  хотин-қизларга ҳуқуқий ёрдам кўрсатиш борасида сайёр қабул ўтказилди.

Сайёр қабулда ҳуқуқий ёрдамга муҳтож хотин-қизларнинг асосий муаммолари иш билан таъминлаш, касаллиги юзасидан даволаниш харажатларига маблағ топиш, уй-жой билан таъминланишда ёрдам бериш, мерос уй-жойни тақсимлаш, болани тарбиясига олиш, алимент ундириш масалаларида мурожаатлар бўлди.

Қабул давомида жами 11 нафар хотин-қизларга ҳуқуқий ёрдам кўрсатилиб, уларни ҳал қилиш учун тегишли ташкилотларга мурожаат қилиш ҳуқуқлари тушунтирилди. Ишчи гуруҳ тадбир ниҳоясида жойларга ҳам бориб фуқаролар билан мулоқот қилишди.