Фориш тумани Элобод қишлоғидаги 38-мактабда интернет муаммоси бўйича расмий муносабат

Ижтимоий тармоқларда "Фориш тумани Элобод қишлоғидаги 38-мактабда интернет муаммо.

Бу йил мактаб Kundalik.com‘ga ўтмоқда, лекин, афсуски, мактабда ва қишлоқ атрофида алоқа ва интернет сифати паст. Mobiuz компанияси томонидан антенна ўрнатиш олдинги йил режага киритилган эди, лекин негадир амалга ошмади" деган мазмундаги мурожаат эълон қилинган эди.

Ушбу мурожаат масъул ходимлар томонидан жорий йилнинг 2-август куни ўрганиб чиқилди. Ўрганишда 38-мактабга ўрнатилган симли интернет таъриф режасида кўрсатилган (10 Мб/с) тезликда ишлаб турганлиги аниқланди.

Ўзбекистон Республикаси Президентининг тегишли фармон ва қарорларига асосан 2022-2023-ўқув йилидан бошлаб 38-мактабдаги интернет тезлиги 40 Мб/сга оширилади.
Шунингдек, “UMS” МЧЖнинг 2022 йил учун тармоқни кенгайтириш режасига кўра ҳақиқатда ушбу ҳудудга база станция ўрнатилиши режалаштирилганлиги, ҳозирги кунда ушбу ҳудудга антена мачта қурилмасини ўрнатиб қурилиш ишларини амалга оширувчи пудратчиларни аниқлаш мақсадида танлов (тендер) эълон қилинганлиги ҳамда жараён давом этаётганлиги, 2022 йил якунига қадар ушбу ҳудуд сифатли мобил алоқа ва интернет хизматлари билан таъминланишини маълум қиламиз.