2022 йил 9 ойида Жиззахдан Тошкент шаҳрига қанча одам кўчиб боргани маълум бўлди

2022 йил январь-сентябрь ойларида Тошкент шаҳрига республиканинг бошқа ҳудудларидан доимий яшаш мақсадида кўчиб келганлар сони 36 902 кишини ташкил этган.

Давлат статистика қўмитаси маълумотларига кўра, Тошкент шаҳрига кўчиб келиш ўтган йилнинг мос даври билан солиштирилганда 5 171 кишига (13,3 фоизга) камайган. 

2022 йилнинг 9 ойида Тошкент шаҳрига ҳудудлардан доимий яшаш учун кўчиб келганлар сони бўйича Тошкент вилояти етакчилик қиляпти – 16 361 киши.

Ушбу кўрсаткич қолган ҳудудлар кесимида қуйидагича кўриниш олди:

• Қашқадарё вилояти – 4 598 киши; 
• Самарқанд вилояти – 2 696 киши; 
• Сурхондарё вилояти – 2 153 киши;
• Бухоро вилояти – 2 049 киши; 
• Фарғона вилояти – 1 640 киши; 
• Андижон вилояти – 1 282 киши; 
• Хоразм вилояти – 1 281 киши; 
• Навоий вилояти – 1 146 киши; 
• Наманган вилояти – 1 122 киши;
• Жиззах вилояти – 970 киши; 
• Сирдарё вилояти – 828 киши; 
• Қорақалпоғистон Р. – 776 киши.