Янгиобод туман тиббиёт бирлашмаси томонидан уйма-уй юриб аҳоли тиббий кўрикдан ўтказилди

Хусусан, туманнинг Хўжамушкент қишлоқ фуқаролар йиғинида тиббий кўрик ташкил этилди.

Унда туман тиббиёт бирлашмасининг малакали шифокорлари томонидан ҳудуддаги аёллар ва "Темир дафтар"даги фуқаролар уйма-уй юрган ҳолда тиббий кўрикдан ўтказилди.

Улар хирург, педиатр, инфекционист, уролог, акушер-гинеколог, ЛОР, тери-таносил, терапевт каби мутахассислардан маслаҳатлар ҳам олдилар.

Тиббий кўрик ўтказиш билан бирга, ҳозирги вақтда кенг тарқалган диабет ва юрак-қон томир касалликларининг олдини олиш, профилактика қилиш ва даволаш усуллари, соғлом турмуш тарзи ва фаол жисмоний ҳаракатнинг инсон саломатлигига ҳиссаси тўғрисида тушунтирилди.

Албатта, турли касалликларни эрта аниқлаш ва ўз вақтида самарали даволашда жойларда ташкил этилаётган бу каби тиббий кўриклар муҳим аҳамиятга эга.