“Жиззах тажрибаси” асосидаги “Жасорат мактаби”

Жиззах гарнизонида жойлашган ҳарбий қисмларнинг бирида “Жиззах тажрибаси” асосида ёшлар билан “Жасорат мактаби” йиғинларини бошқа вилоятларга татбиқ этишга қаратилган амалий семинар  ўтказилди.

Семинарда ёшларнинг ҳарбий-ватанпарварлик тарбиясига масъул бўлган вазирлик, идора ва ташкилотлар вакиллари ўз маърузалари билан қатнашди.

Унда вилоят ҳокими Эргаш Салиев сўзга чиқиб, “Жиззах тажрибаси” бўйича маъруза қилди.

Иштирокчилар ҳарбий қисмда ташкил этилган кўргазмаларни кўздан кечиришди. Тадбир бир вақтнинг ўзида бир нечта ўқув нуқталарида давом этди.

Якунда “Жиззах тажрибаси” асосида ўқув-услубий тавсиялар ишлаб чиқиладиган бўлди.