Жиззахда Табиат ресурслари вазирлигининг бошқармаси бошлиғи ўринбосари ўрганиш ишларини олиб борди

Табиат ресурслари вазирлигининг Сув, ер ресурслари ва ер ости бойликларини муҳофаза қилиш бошқармаси бошлиғи ўринбосари Ғ.Шукуров бошчилигидаги ишчи гуруҳ аъзолари Жиззах вилоятида бўлиб, аҳоли ва саноат корхоналари томонидан ташланаётган оқава сувларни тартибга солиниши бўйича ўрганиш ишларини олиб борди.

Ишчи гуруҳ аъзолари дастлаб эркин иқтисодиёт ҳудудида фаолият юритаётган корхоналар фаолияти билан танишиб, оқава сув иншоотларини кўздан кечирди. Шунингдек, оқава сув тармоқларида юзага келган муаммоли ҳолатларни бартараф этиш чоралари кўрилди.

Шунингдек, Ш.Рашидов туманида яқинда қурилиб, ишга туширилган янги оқава сув иншоотидаги иш жараёнлари билан танишди.