Жиззах шаҳрида 5470 нафар ишсиз хотин-қизларни бандлигини таъминлаш, уларга кредитлар, субсидиялар ажратиш бўйича вазифалар белгилаб олинди

Жиззах шаҳар ҳокимлиги мажлислар залида Жиззах вилоят Камбағалликни қисқартириш ва бандлик бошқармаси бошлиғи Ф.Салохиддиновнинг шаҳар маҳаллаларида фаолият олиб бораётган маҳалла фуқаролар йиғини раислари, хотин-қизлар фаоллари ҳамда ҳоким ёрдамчилари билан учрашуви бўлиб ўтди.

Учрашувда Жиззах шаҳар маҳаллаларида ўтган 2022 йилда маҳалла раислари, ҳоким ёрдамчилари, маҳалла хотин-қизлар фаоллари томонидан амалган оширилган ишлар сарҳисоби билан бирга келгуси 2023 йилда амалга оширилиши зарур бўлган ишлар белгилаб олинди.

Шунингдек, жорий йилда Жиззах шаҳрида 5268 нафар хотин-қизларининг маҳаллада шакллантирилган “Aёллар дафтари”га киритилганлиги, 5470 нафар ишсиз хотин-қизларни бандлигини таъминлаш, уларга имтиёзли кредитлар, субсидиялар ажратиш орқали оила даромадини ошириш бўйича амалга оширилиши лозим бўлган вазифалар белгилаб олинди.