» » Жиззахдаги фотоэлектр станциясини қуриш лойиҳаларини ҳаётга татбиқ қилишнинг бугунги ҳолати муҳокама қилинди

Жиззахдаги фотоэлектр станциясини қуриш лойиҳаларини ҳаётга татбиқ қилишнинг бугунги ҳолати муҳокама қилинди

05 апрель 2023 г 537 Комментарии: 0

Ўзбекистон Республикаси инвестициялар, саноат ва савдо вазири Лазиз Кудратов Масдар компанияси бош ижрочи директори Муҳаммад ал-Рамаҳи билан учрашув ўтказди. Томонлар диққат марказида қўшма лойиҳаларни амалга ошириш ва қайта тикланувчи энергия манбаларини ривожлантириш бўйича сармоявий ҳамкорликни янада кенгайтириш масалаларининг муҳокамаси бўлди.

Хусусан, Самарқанд, Жиззах ва Сурхондарё вилоятларида умумий қуввати 897 МВт бўлган 3 та фотоэлектр станциясини қуриш лойиҳаларини ҳаётга татбиқ қилишнинг бугунги ҳолати муҳокама қилинди. Мазкур инвестиция лойиҳалари қурилишини жорий йилнинг апрель ойида бошлаш бўйича келишувга эришилди.

Янги йирик инвестициявий лойиҳаларни амалга ошириш орқали компаниянинг Ўзбекистондаги фаолиятини кенгайтириш истиқболлари юзасидан ҳам фикр алмашилди.

Маълумот учун: «Масдар» қайта тикланувчи энергия манбалари ва шаҳарларнинг барқарор ривожланиши йўналишига ихтисослашган компания ҳисобланади. Компания Абу-Даби (БАА) ҳукуматига тегишли бўлган Мубадала глобал инвестиция компанияси таркибига киради. Компания дунёнинг турли мамлакатларида қайта тикланадиган энергия соҳасида йирик ва стратегик лойиҳаларни амалга оширади. У 2006 йилда Абу-Дабида (БАА) ташкил этилган. Компания 30 та давлатда инвестиция лойиҳаларини амалга оширади, лойиҳаларнинг умумий қиймати 19,9 миллиард доллардан ошади.

скачать dle 12.0

Похожие новости

Сайт ишлаб чиқиш жараёнида. Келтирилган ноқулайликлар учун узр сўраймиз!