Жиззах вилоятидаги замонавий Агрологистика комплексини ишга тушириш масалалари муҳокама қилинди

BMB Trade Group компанияси Кузатув Кенгаши раиси Бекзод Маматқулов Сергей Лисовский бошчилигидаги қўшма лойиҳа ташабускорлари ўртасида музокаралар бўлиб ўтди.

Учрашувнинг асосий мавзуси "Жиззах вилоятида замонавий Агрологистика комплекси” қўшма лойиҳасининг бугунги ҳолатини муҳокама қилиш ҳамда уни ишга тушириш ишларини янада жадаллаштириш бўйича чора-тадбирларни белгилаш бўлди.

Хусусан, томонлар “BMB-NRC Agrologistics” қўшма корхонасини ташқи инфратузилмаларга боғлаш, божхона пости ва замонавий фитосанитария синов лабораторияси, ишлаб чиқариш ва қайта ишлаш линиялари фаолиятини йўлга қўйиш ҳамда малакали кадрларни ёллаш масалаларини кўриб чиқдилар.