Форишлик талаба қиз халқаро илмий-амалий кўрик-танловида эсдалик кўкрак нишони билан тақдирланди

Фориш тумани 1-сектор ҳудудидаги “Ўхум” маҳалласида туғилиб вояга етган Савурова Маҳлиё Холбек қизи ўз устида тинмай изланиб, ўқиб, ўрганадиган иқтидорли ёшлардан бири.
У айни кунда Самарқанд агроинновациялар ва тадқиқотлар институтининг 2-босқич талабаси. Шу олийгоҳда таҳсил олаётган фаол ёшлардан бири.
Савурова Маҳлиё Холбек қизи Мустақил давлатлар ҳамдўстлиги давлатлари ўртасида ўтказилаётган “Таълимдаги муваффақиятлари учун” халқаро илмий-амалий кўрик-танловига ҳужжатлари қабул қилиниб, эсдалик кўкрак нишони билан тақдирланди.