Tatarston Respublikasi delegatsiyasi Jizzaxda

Oʻzbekiston-tatar biznes-forumi doirasida delegatsiya aʼzolari “Jizzax” texnoparkiga tashrif buyurishdi.

Tatarston Respublikasidan delegatsiya Tatarston Respublikasi bosh vazirining oʻrinbosari – sanoat va savdo vaziri Oleg Korobchenko boshchiligida keldi.

Mehmonlar “Jizzax” texnoparki, “A” sanoat hududidagi “Iruskon” MCHJ, “Jizzax akkumulyator zavodi” AJ korxonasi faoliyati va “Master building products” MCHJ korxonalariga borib ish faoliyati bilan tanishdilar.

Shundan soʻng viloyat hokimligida viloyat hokimi Ergash Saliyev bilan uchrashuv oʻtkazildi.

Uchrashuvda ikki tomonlama aloqalarni yanada rivojlantirish boʻyicha taklif va mulohazlar tinglandi.

Shuningdek, delegatsiya aʼzolari hamda viloyatda istiqomat qilayotgan tatar va boshqa millat vakillari uchun sabantuy tashkil etildi. Mazkur tatarstonning milliy bayrami kutarinki kayfiyatda oʻtkazildi.