Дўстлик туманида “Яшил макон” умуммиллий лойиҳаси бўйича ишлар бошлаб юборилди

Умуммиллий лойиҳа доирасида жорий кузги кўчат экиш мавсумида Дўстлик туманида чўл иқлим шароитига чидамли бўлган 515.4 минг туп, мевали, манзарали дарахт ва буталар экилиши режалаштирилган.
Кўчатлар корхона, ташкилот ва муассасалар ҳовлиларига, катта йўл ёқалари, кўча ҳамда гузарларда бўш турган, дарахт экилмаган жойларга экилади.

Давлатимиз раҳбари илгари сурган бундай умуммиллий лойиҳага тумандаги қишлоқ хўжалиги соҳаси вакиллари биринчилардан бўлиб “лаббай” деб жавоб беришди. Уларнинг саъй-ҳаракатлари билан Гагарин-Жиззах автойўли ёқасида ишлар бошлаб юборилди. Қишлоқ хўжалиги ходимларининг ғайратини кўриб, маҳалла нуронийлари ҳам уларга кўмакка шошилишди.