Jizzaxlik tadbirkor ayol “ANOR -2023” ko‘rik tanlovining respublika bosqichida g‘olib deb topildi

Yaqinda respublika “ANOR -2023” ko‘rik - tanlovi yakunlandi.

Uchrashuvlar, ijodiy taqdimotlar, konstruktiv yuzma-yuz muloqot va ayollar tadbirkorligida yangi nomlarning kashf etilishi bilan to‘ldirilgan haftalik o‘z nihoyasiga yetdi.

Haftaning toji - ANOR tanlovi bo‘ldi - eng namunali, haqiqiy ijodkor va mohir tadbirkorlar ko‘rigining yakuni.
Mamlakatimizning barcha hududlaridan to‘qqiz nafar ishbilarmon ayollar uchta nominatsiya bo‘yicha Eng yaxshi deb topildi.

"Eng yaxshi ishlab chiqaruvchi" nominatsiyasida birinchi o‘rinni Namangan viloyatida faoliyat yuritayotgan tadbirkor Feruza Abduqahharova egalladi.

"Eng yaxshi fermer"nominatsiyasida Qashqadaryolik fermer Dildora Mo‘minova birinchi bo‘ldi.

"Eng yaxshi aholiga xizmat ko‘rsatuvchi" nominatsiyasida birinchi o‘rin Jizzax viloyatidan Oynisa Qarshiboevaga nasib etdi.