Вилоят прокурорининг навбатдаги сайёр қабул ва ёшлар билан учрашуви Зарбдор туманида ўтказилди

Ўзбекистон Республикаси Президентининг «Аҳоли муаммолари билан ишлаш тизимини янада такомиллаштириш чора-тадбирлари тўғрисида»ги ПФ-5633-сон Фармони ижроси юзасидан Жиззах вилояти ва туман (шаҳар) 2-сектор ҳудудларида мунтазам равишда очиқ мулоқот ва сайёр қабуллар ўтказиб келинмоқда.

Хусусан, аҳоли муаммоларини ўрганиш ва ҳал этиш мақсадида вилоят прокурорининг навбатдаги сайёр қабул ва ёшлар билан учрашуви Зарбдор туманининг «Тараққиёт» маҳалласида ўтказилди.

Сайёр қабулда 38 нафар фуқаролардан турли хил мазмундаги ижтимоий-иқтисодий масалалар юзасидан мурожаатлар қабул қилиниб, шундан 24 нафар фуқароларнинг мурожаатлари жойида ижобий ҳал этилган бўлса, ўрганиш талаб қиладиган қолган мурожаатлар назоратга олинди.