Дўстлик тумани ҳокими ҳамда сектор раҳбарлари сайёр қабул ўтказишди

Дўстлик тумани ҳокими Шавкат Дарвишев ҳамда сектор раҳбарлари томонидан сайёр қабул "Чинобод" маҳалласида ўтказилди.

Унда аҳолининг кредит маблағлари ажратиш, иш билан таъминлаш, саломатликни тиклаш, моддий ёрдам кўрсатиш ва шу каби муаммоли масалалар бўйича мурожаатлар қабул қилинди.

Мурожаатларнинг аксарияти шу ернинг ўзида ижобий ҳал этилди.

Ечими вақт ва маблағ талаб этадиган аҳоли мурожаатлари раҳбарлар назоратига олинди.