Ҳамкорликда бажариладиган ишлар келишиб олинди

BYD Uzbekistan Factory қўшма корхонаси бош директори Шавкатбек Алимов ҳамда Тошкент шаҳридаги Турин политехника университети ректори Олимжон Тўйчиев Жиззах политехника институтида бўлишди.

Маълумки, Жиззахдаги BYD Uzbekistan Factory компаниясига малакали мутахассисларни жалб қилиш мақсадида Жиззах политехника институти ва Тошкентдаги Турин политехника университети билан биргаликда юқори малакали мутахассисларни ўқитиш бўйича муҳандислик ўқув марказини ташкил қилиш режалаштирилган.

Ташриф давомида меҳмонлар институт ректори Алишер Усманкулов билан биргаликда мазкур муҳандислик ўқув марказини ташкил қилиш юзасидан ҳамкорликда қилиниши лозим бўлган ишлар ва келгусида бажариладиган ишларнинг режасини келишиб олдилар.