Зафаробод туманида тадбиркорлар билан очиқ мулоқот ўтказилди

Зафаробод туманида Жиззах вилояти ички ишлар бошқармаси бошлиғи, генерал-майор Ғайрат Қодиров, Ўзбекистон Республикаси Президенти ҳузуридаги Тадбиркорларнинг ҳуқуқлари ва қонуний манфаатларини ҳимоя қилиш бўйича вакил девони Жиззах вилояти шўбаси раҳбари Сардор Усманов, Зафаробод тумани ҳокими Ғайрат Эшпулатов, Савдо-саноат палатаси Зафаробод тумани бўлими, тижорат банклари масъуллари, ҳоким ўринбосарлари ва тадбиркорлар иштирок этди.

Мулоқот давомида тадбиркорлар томонидан таклиф ва муаммолари ўрганилиб, уларни ҳал этиш чоралари белгиланди. Шунингдек мулоқотда бир қатор тадбиркор ва тадбиркорлик қилиш истагида бўлган фуқароларга кредит сертификатлари топширилди.