Зарбдорда уйма-уй юрилиб, аҳоли муаммолари ўрганилмоқда

«Халқ давлат идораларига эмас, давлат идоралари халқимизга хизмат қилиши керак», Президентимиз Шавкат Мирзиёевнинг эл-юртимиз қалби ва онгидан чуқур жой олган бу сўзлари бугун мамлакатимизда барча соҳа ва тармоқларда амалга оширилаётган туб ўзгариш ва ислоҳотларни ҳаракатлантирувчи қудратли кучга, таъбир жоиз бўлса, уларнинг ғоявий ўзагига айланди.

Халқимизнинг ҳаётий талаб ва эҳтиёжларини таъминлаш, одамларимизни рози қилиш йўлидаги залворли ишлар айнан ана шундай эзгу ва ҳаётбахш ғоялар асосида олиб борилиб, тобора янги маъно ва мазмун билан бойиб бормоқда.

Шу жумладан, Зарбдор тумани 1-сектор ҳудудидаги Равот МФЙда сектор раҳбари, туман ҳокими З.Рузиев бошчилигида ишчи гуруҳ аъзолари маҳалла ҳудудидаги хонадонларда уйма-уй юриб аҳолининг муаммолари ўрганилиб, уларни ҳал этиш борасида тизимли ва амалий ишлар олиб борилмоқда.