Jizzax viloyati IIB boshligʻi Sharof Rashidov tumanidagi xodimlar uchun barpo etilayotgan turar joylar qurilishi bilan tanishdi

Jizzax viloyati IIB boshligʻi Sharof Rashidov tumanining Kuyovboshi mahallasida xodimlar uchun barpo etilayotgan turar joylar qurilishi bilan tanishdi.

Jarayonda masʼullar va quruvchilarga bunyodkorlik ishlarini sifatli amalga oshirish, zarur qulaylikni yuzaga keltirish choralarini koʻrish lozimligi urgʻulandi. Shu bilan birga koʻchalarni asfaltlash, tabiiy gaz va elektr energiya taʼminotiga oid masalalar muhokama qilinib, mutasaddilarga vazifalar yuklandi.

Maʼlumot oʻrnida aytish kerak, bu yerda 6 sotix maydonga ega, 3 xonali 104 ta uy qurilmoqda. Mazkur turar joylarni soha xodimlarining kasb bayrami arafasida foydalanishga topshirish koʻzda tutilgan.