Пахтакор туманида хориждаги эмигрант ёшлари билан видеомулоқот ташкил этилди

Пахтакор тумани секторлари раҳбарлари томонидан тумандаги “Боғишамол”, “Чаманзор”, “Сувонобод”, “Ғалаба” маҳалла фуқаролар йиғинларининг хориждаги эмигрант ёшлари билан видеомулоқот ташкил этилди.

Самимий руҳда бўлиб ўтган мулоқотда туман ҳокими хориждаги эмигрантларнинг шароитлари билан қизиқиб, ўз навбатида туманда амалга оширилаётган ислоҳотлар, ёшлар учун янгидан барпо этилаётган корхоналарда яратилаётган доимий ва мавсумий иш ўринлари, ёшларга қишлоқ хўжалиги маҳсулотлари етиштириши учун ажратилаётган ер майдонлари хусусида гапирди.

Пахтакор тумани ҳокимлиги биносида бўлиб ўтган видеомулоқотда туман секторлари раҳбарлари, туман ҳокимининг ўринбосарлари, Ёшлар ишлари туман бўлими бошлиғи ва мутасадди ташкилот раҳбар ва масъуллари иштирок этди.