Jizzax shahridagi Sambhram universitetiga yangi badiiy adabiyotlar tuxfa etildi

Yoshlar oʻrtasida kitobxonlik madaniyatini keng targʻib qilish, yoshlarni jismonan sogʻlom, maʼnan yetuk, keng dunyoqarashli, mustaqil fikr yuritadigan barkamol inson sifatida shakllantirish, xalqimizning tinchligini va osoyishtaligini ishonchli himoya qilishga qodir ekanligiga qatʼiy ishonchini yanada mustahkamlash,yoshlar oʻrtasida jinoyatchilikni oldini olish, yoshlarni boʻsh vaqtlarini mazmunli tashkil qilish maqsadida Jizzax shahridagi Sambhram universitetida Oʻzbekiston yoshlar ittifoqi Jizzax viloyat Kengashi tashabbusi va Milliy gvardiya viloyat boshqarmasi, Harbiy prokuratura, Milliy gvardiya Qoʻriqlash boshqarmasi hamkorligida “Milliy armiyamiz - Yangi Oʻzbekistonning mustahkam qalqonidir!” shiori ostida vatanparvarlik festivali oʻtkazildi.
Oʻzbekiston yoshlar ittifoqi Jizzax viloyat Kengashi tomonidan festival davomida oliy taʼlim muassasasida “Ittifoq kutubxonasi”ni tashkil etish maqsadida 500 ga yaqin eng sara badiiy adabiyotlar sovgʻa qilindi.