"Yoshlar - milliy armiyamiz nigohida!" shiori ostida harbiy-vatanparvarlik festivali o'tkazildi

Jizzax garnizonidagi harbiy qism harbiy xizmatchilari va harbiy komendatura tomonidan Zomin tumani 1-sektor hududida joylashgan 60- sonli  umumiy oʻrta taʼlim maktab o'quvchi yoshlarini harbiy-vatanparvarlik ruhida tarbiyalash maqsadida "Yoshlar - milliy armiyamiz nigohida!" shiori ostida harbiy-vatanparvarlik festivali o'tkazildi.

Unda so'zga chiqqanlar yoshlarga milliy armiyamizning kuch-qudrati, unda yaratilayotgan keng imkoniyatlar, Qurolli Kuchlarimiz saflarida xizmat qilish va oliy harbiy ta’lim muassasalarida tahsil olish to‘g‘risida ma’lumotlar berib o'tishdi.

Festival davomida tashkil etilgan qurol-aslahalar ko'rgazmasi, harbiy orkestr jamoasi tomonidan kuy qoʻshiqlar  yoshlarda harbiylik kasbiga hurmat va g'urur tuyg'ularini yanada oshirdi.