Фориш туманида ёш сайловчилар билан учрашув ўтказилди

Фориш тумани 18-сон болалар мусиқа ва санъат мактабида ёшларнинг  ҳуқуқий билимларини ошириш мақсадида туман адлия бўлими томонидан «Ёш сайловчи ҳуқуқ минбари» тадбири ташкил этилди.

Тадбирда туман адлия бўлими бошлиғи Шерзод Эрматов, туман фуқаролик суди судьяси Луиза Халитова, халқ депутатлари туман Кенгашига сайлов ўтказувчи туман сайлов комиссияси раиси Рашид Каримов, туман ҳокимлиги кадрлар билан ишлаш ва ташкилий назорат гуруҳи раҳбари Илҳом Юлимовлар янги сайлов кодекси ва унинг мазмун-моҳияти, сайловни ўтказиш тартиби, сайловларнинг мамлакатимиз тараққиётидаги ўрни ҳақида батафсил сўз юритдилар.

Тадбир ниҳоясида сайлов жараёнини акс эттирган чиқишлар ҳам ташкил этилди.