Бахмалда маҳалланинг ўрни ортмоқда

Маҳалла ўзбекларга, фақат ўзимизга хос бўлган, одамларни жамият билан уйғун яшашга ўргатадиган, ёшларнинг онгу-тафаккурида боболаримиздан қолган урф-одатларни, миллийқадриятларимизни шакллантирадиган маскан.

Бундай эзгу ишлар кўлами эндиликда яна ҳам кенгайди.

Маҳалла бежизга катта оила деб аталмайди. Оила бўлгач, кимдир нимадир қилиб қўйишини кутмасдан барча бирдек ҳаракат қилмоғи зарур. Бунинг энг ишончли йўли маҳалла фаолларининг ҳудуддаги ҳар бир оиланинг ахволидан, қувонч-уташвишларидан, айниқса ёшлар тарбиясидан бохабар бўлишидир. Шундай қилинса ўғил-қизларимиз тарбияга, маслаҳатга муҳтож бўлмайди. Кўмакка эҳтиёжманд одамлар назардан четда қолиб кетмайди.

Ўзини ўзи бошқариш органлари фаолиятини мувофиқлаштириш бўйича туман кенгаши "Маҳалла” хайрия жамоат фонди Бахмал туман бўлинмаси билан ҳамкорликда ёшлар тарбиясида ҳам, ижтимоий ҳимояга муҳтож оилаларни қўллаб-қувватлашда ҳам тизимди тадбирларни амалга ошираяпти. Хусусан, кам таъминланган, эҳтиёжманд оилаларга, якка-ёлғиз қарияларга 19 миллион 330 минг сўмлик озиқ-овқат маҳсулотлари, кийим-кечаклар тарқатилди. Барча маҳаллаларда маънавий-маърифий тадбирлар уюштирилди.

Олдимизда ўта муҳим вазифалар турибди. У ҳам бўлса ёш авлодни соғлом ва баркамол этиб тарбиялаш, ёшлар орасида миллий ва маънавий қадриятларимизни тарғиб этиш, аҳоли ўртасида соғлом турмуш тарзинишакллантиришнинг аниқ тадбирларини амалга оширишдир. Жойларда амалга оширилаётган тарғибот-ташвиқод ишларида кексалар ва фахрийларнинг бой ҳаётий тажрибасидан кенг фойдаланаяпмиз. Бу зиммамиздаги вазифаларни тўлақонли уддалашимизда қўл келаяпти.

Алимхон АСРОРОВ