Жиззахнинг 600 минг аҳолиси учун ичимлик суви таъминоти яхшиланади

Жиззах вилоятида умумий қиймати 579,5 млрд сўм бўлган Зарафшон дарёси сувидан фойдаланиш ҳисобига ичимлик суви таъминоти тизимини яхшилаш лойиҳаси амалга оширилмоқда.

Бугунги кунга қадар объектда 378,8 млрд сўм маблағ ўзлаштирилган бўлиб, 371 млрд сўм маблағ молиялаштирилган. Ушбу маблағлар ҳисобига 92,5 км магистрал тармоқлар, шу жумладан, 21 км темир, 61,5 км стеклопластик (ЖРП) ва 10 км ПЭ магистрал сув қувури ётқизилди.

Бундан ташқари, Зарафшон дарёсидан сув қабул қилиш иншоотида 5 та насос ўрнатилди. “Жиззах” сув тақсимлаш иншоотидаги ёрдамчи биноларда қурилиш-монтаж ишлари якунланди.