Телефонлар:
(0372) 226-00-11
(0372) 226-36-51
» » Жиззахда ДХА ходимлари ''Меҳр улаш'' қон топшириш хайрия акциясида қатнашди

Жиззахда ДХА ходимлари ''Меҳр улаш'' қон топшириш хайрия акциясида қатнашди

15 сентябрь 2021 йил
51
0

Адлия вазирлиги ташаббуси билан ''Меҳр улаш'' қон топшириш хайрия акциясига старт берилган эди. Бугун ДХА Жиззах вилоят бошқармаси жамоаси ҳам акция доирасида қон топшириш жараёнида иштирок этди.

Акцияда ихтиёрий равишда иштирок этиш истагини билдирган ва донорлик қила оладиган ходимлар рўйхати шакллантирилди ҳамда улар учун барча зарур шарт-шароитлар яратилди. Шу билан биргаликда, Жиззах шаҳар ва Ш.Рашидов туман Давлат хизматлари маркази ходимлари, Бош вазирнинг Жиззах шаҳридаги қабулхонаси ҳамда марказга ташриф буюрган фуқаролик ихтиёрийлик асосида акцияда иштирок этдилар.

Ушбу акциядан кўзланган асосий мақсад донорликни ривожлантириш ва рағбатлантиришдир.

Ўтказилган мазкур беғараз донорлик акцияси турли касалликлар ёки бахтсиз ҳодисалар туфайли қонга муҳтож бўлган инсонлар, хусусан, бемор болажонларнинг соғайиб кетишларига муайян даражада ёрдам беради.

Маълумот учун: инсон организмида 4,5–5 литр қон бўлиб, донорлардан 350-450 мл қон олинади (физиологик доза). Инсон организми топширилган қон миқдорини 36 соат ичида тиклаб олади.

Маълум бўлишича, Гематология ва қон қуйиш илмий-тадқиқот институтининг маълумотига кўра, пандемия даврида донорлар сони кескин камайди ва оғир беморларнинг донорлик қонига бўлган талаби сезиларли даражада ошган.

 ДХА Жиззах вилоят бошқармаси Ахборот хизмати

скачать dle 12.0
Муҳокамага қўшилинг
Фикр билдириш
Изоҳлар (0)
Фойдали ҳаволалар