Жиззахда 3 та бозорнинг давлат улуши сотувга қўйилади

Вазирлар Маҳкамасининг “Бозор ва савдо комплекслари бошқарув тизимини такомиллаштириш ҳамда улардаги давлат иштирокини босқичма-босқич қисқартириш чора-тадбирлари тўғрисида”ги қарор лойиҳаси эълон қилинди.

Вазирлар Маҳкамасининг қарорига асосан, эксперимент тариқасида замонавий кўринишга келтириш, улар негизида «ҳаммаси бир жойда» тамойили асосида савдо мажмуаларини ташкил етиш шарти билан бозор ва савдо комплекслари белгиланган тартибда сотувга қўйилади.

Жумладан, Жиззах шаҳридаги «Жиззах марказий деҳқон бозори», «Эски шаҳар деҳқон бозори» ва Пахтакор туманидаги «Пахтакор савдо мажмуаси»нинг давлат улуши савдога қўйилади.