Янгиободда вилоят учинчи сектор раҳбарининг аҳоли билан сайёр қабули бўлиб ўтди

Янгиобод тумани Чаканд қишлоғида Жиззах вилояти ички ишлар бошқармаси бошлиғи, вилоят 3-сектор раҳбари генерал-майор Ғайрат Қодировнинг аҳоли билан сайёр қабули бўлиб ўтди.

Тадбирда туман ҳокими Иброҳим Қаршибоев, ҳоким ўринбосарлари, 3-сектор масъуллари, тегишли корхона, ташкилот ва муассаса раҳбарлари, аҳоли ва ёшлар иштирок этишди.

Учрашув давомида фуқароларни қийнаб келаётган масалалар, муаммо ва таклифлар ўрганилиб, уларни ҳал этиш чоралари кўрилди.

Шунингдек, тадбир доирасида китоблар ва турли хил кўргазмалар ҳамда бўш иш ўринлари ямаркаси ҳам ташкил этилди.

Учрашув давомида ижтимоий кўмакка муҳтож фуқароларга озиқ-овқат маҳсулотлари тарқатилиб, бир гуруҳ фаоллар ва ёшларга сектор раҳбарининг фахрий ёрлиқ, совға-саломлар ҳамда китоблар жамланмаси топширилди.