Жиззахда инновацион технопарк ташкил этилади

Инновацион ривожланиш вазирлиги Инновацион инфратузилмалар ва технопаркларни ривожлантириш бошқармаси бошлиғи Каримов Хожиакбар Жиззах вилояти инновацион ривожланиш бошқармаси билан ҳамкорликда амалга ошираётган кенг қамровли лойиҳанинг дастлабки ишлари билан танишди.

Технопарк фаолиятини йўлга қўйиш натижасида қишлоқ хўжалиги, ахборот технологиялари, кимё технологиялари, биотехнология, математика, робототехника ва электротехника соҳаларида рақобатбардош, инновацион маҳсулотлар ва хизматларни ривожлантириш учун қулай шароитларни яратиб бериш ҳамда уларни ички ва ташқи бозорларга чиқаришда қўллаб-қувватлаш, шунингдек ҳудуднинг инновацион салоҳиятини ошириш учун илмий-техник ва инновацион лойиҳаларни амалга ошириш учун ягона платформа яратилади.