Фориш туманининг энг узоқ маҳалласида мактабгача таълим ташкилоти биноси бунёд этилмоқда

Фориш туман мактабгача таълим ташкилотлари бўлими мудири Муқаддас Исломова туманнинг чекка ҳудуди ҳисобланган “Дўстлик” маҳалласида маҳалла мутасаддилари билан ҳамкорликда муаммоларни “маҳаллабай” ўрганиш мақсадида сайёр қабул ўтказди. 

Фориш туман 1-сектор ҳудудига қарашли “Дўстлик” маҳалласида 4 миллиард сўм бюджет маблағи эвазига 100 ўринли давлат мактабгача таълим ташкилоти биноси қурлиши олиб борилмоқда. Айни кунда қурилишда 90 фоиз ишлар бажарилган.

Бугунги кунда “Дўстлик” маҳалласида 3-6 ёшлик болалар сони 112 нафарни ташкил этиб, шу кунга қадар фақатгина қисқа муддатли гуруҳларда 30 нафар маҳалла ўғил-қизлари қамраб олинган эди. Ҳудуддаги 112 нафар 3-6 ёшда бўлган  болалардан 100 нафари давлат мактабгача таълим ташкилотига қамраб олинади ҳамда мактабгача таълим мутахассислигига эга бўлган 30 нафарга яқин хотин-қизларимиз иш билан таъминланади.