Халқ депутатлари Жиззах вилояти Кенгаши ҳузуридаги Жамоат фонди 2022 йил “Инсон қадрини улуғлаш ва фаол маҳалла йили” Давлат дастури ижросини таъминлашда ННТ, ОАВ ва бошқа фуқаролик жамияти институтларининг лойиҳаларини қўллаб-қувватлаш мавзусида давлат грантлари ажратиш учун 2-танловни эълон қилади.
Танловда давлат рўйхатидан ўтган фуқаролик жамияти институтлари, ННТ, ОАВларининг қуйидаги йўналиш (номинация)лардаги лойиҳалари кўриб чиқиш учун қабул қилинади:
- Оилавий ажримлар, ноқонуний ва эрта никоҳларнинг олдини олиш ёшларни оилавий ҳаётга тайёрлаш мақсадида давлат органлари ва нодавлат ташкилотлари ўртасидаги ижтимоий шерикликни кучайтириш.
- Аҳолини китобхонликга қизиқтириш. Ёшлар ва аҳолининг кенг қатламини ахборот кутубхона марказларига жалб қилиш орқали китобхонлик маданиятини ривожлантириш.
3.“Темир”, “Аёллар” ҳамда “Ёшлар”, Меҳр-мурувват дафтарларига киритилган шахсларнинг сиёсий-ҳуқуқий, ижтимоий-иқтисодий, маънавий-маърифий ҳаёти даражасини яхшилашга кўмаклашиш;
- Экстеримизм ва терроризмга қарши курашиш, миллатлараро тотувликни таъминлашда давлат органлари билан ҳамкорликда ижтимоий шериклик муносабатларини кўчайтириш.
- Муқаддам судланган, уюшмаган, тарбияси оғир ёшларнинг жамиятга қайта ижтимоий интеграциясига (тикланишига) кўмаклашиш.
- Ёшларни ҳарбий-ватанпарварлик руҳида тарбиялаш тадбирларини кучайтириш.
7.Яшилмакон умуммиллий лойиҳаси доирасида ташкил этилаётган “Яшил ҳудуд”ларни телевидения ва матбуот орқали тарғиб этиш, ҳамда агро-экологик муҳофаза қилиш борасида ННТ ва давлат идоралари шерикчилигини фаол йўлга қўйиш.
- Демократик ислоҳотлар натижалари, инсон қадрининг маҳалладаги амалий ифодасини босма ва электрон оммавий ахборот воситаларида кенг ёритиш.
Давлат грантлари ажратиш учун 2-танловига қатнашиш учун қуйидаги ҳужжатлар тақдим этилиши лозим:
- Ташкилот раҳбари томонидан имзоланган ва муҳр билан тасдиқланган кузатув хати;
- Халқ депутатлари вилоят Кенгаши ҳузуридаги жамоат фондининг Жиззах жамоат фонди телеграм каналида жойлаштирилган шаклда тўлдирилган давлат гранти лойиҳаси учун ариза;
- Охирги ўзгартиш ва қўшимчалар билан давлат рўйхатидан ўтган ННТлар ва фуқаролик жамияти бошқа институтларининг Устави (Низоми) нусҳаси;
- Ташкилотнинг давлат рўйхатидан ўтганлиги тўғрисидаги гувоҳнома нусҳаси;
- Агар лойиҳаниамалгаоширишлицензияланадиганфаолиятниталабқилса, ундалицензиянингнусҳаси;
- Манфаатдордавлатважамоатташкилотларинингтавсияҳамдақўллаб-қувватлашхатлари.
Битта лойиҳа учун ажратиладиган маблағ миқдори 30 млн сўмгача
Лойиҳалар ижро муддати 6-ой муддатгача бўлиши мумкин.
Ҳужжатлар 2022 йил “ 4 ” июндан “ 4 ” июлгача қабул қилинади.
Танлов бўйича ҳужжатлар “Ўзбекистон почтаси” АЖ Жиззах вилоят филиали орқали (муҳрланган конвертларда (А4 формат) да) қабул қилинади. Манзил Жиззах шаҳар, Ш.Рашидов кўчаси 63 уй, 3 қават, 302-хона. “Халқ депутатлари Жиззах вилояти Кенгаши ҳузуридаги нодавлат нотижорат ташкилотларини қўллаб-қувватлаш Жамоат фонди” деб кўрсатилган тартибда юборилиши лозим. Лойиҳалар Фонд томонидан тўғридан-тўғри қабул қилинмайди.
Маълумот учун телефонлар: (72) 226-04-77, (93) 301-07-02
скачать dle 12.0
