Мустақиллик дарслари: Янги Ўзбекистон остонаси мактабдан бошланади

Бугун бутун мамлакатимизда бўлгани каби Жиззах вилоятидаги мавжуд 550 га яқин умумтаълим мактабларида янги - 2022-2023 ўқув йили очилишига бағишланган тантаналар бўлиб ўтди.

“Билимлар куни” муносабати билан ташкил этилган бу тадбирларда маҳаллий ҳокимликлар, ташкилот ва корхоналар раҳбарлари, вилоятда кўзга кўринган ижодкорлар билан бир қаторда O`zLiDeP Жиззах вилоят Кенгаши ходимлари, Халқ депутатлари маҳаллий Кенгашларидаги партия депутатлик гуруҳи аъзолари ҳам фаол иштирок этдилар.

Хусусан, Зомин тумани “Истиқлол” ҚФЙ “Ўрта” қишлоғида жойлашган 62-умумтаълим мактабида O`zLiDeP Жиззах вилоят Кенгаши аппарат раҳбари Шерзод Маматқулов ҳамда бир гуруҳ партия фаоллари, табрик ва бадиий чиқишларга бой “Билимлар куни”да иштирок этиб, 1-синф ўқувчиларига Президент совғалари тантанали равишда топширишида қатнашдилар.

Шундан сўнг, O`zLiDeP Жиззах вилоят Кенгаши аппарат раҳбари Ш.Маматқулов томонидан 9 ва 10-синф ўқувчиларига Мустақиллик дарслари ўтилди.

Дарс давомида партиямиз вакили ёшларга бугунги кунда юртимизда амалга оширилаётган ислоҳотлар, Конституциявий ислоҳотлар мазмун-моҳияти ҳамда Тараққиёт стратегиясидан ва партия Сайловолди платформасидан ўрин олган мақсад ва вазифалар ҳақида маълумотлар бериб ўтди. Дарс давомида ўқувчилар ўзларини қизқиқтирган кўплаб саволларга жавоб олиш имкониятига эга бўлдилар.