Дўстлик туманида ички йўллар бетон йўлга айлантирилмоқда

Жорий йил Дўстлик туманида  ички йўллар бетон йўлга айлантирилмоқда.

Бу борада дастлабки ишлар Аҳмад Яссавий ҳамда Акмал Икром номли кўчаларда бошлаб юборилди.

- Бу кўчаларда ногиронлик аравачаси уёғда турсин, енгил автомашиналарини юриши ҳам амри маҳолда эди. Онам раҳматлини тошли, лойли, дарёга ўхшаган кўчада ногиронлик аравачасига ўтказиб айлантиришга қийналардим. Инсофли ҳоким келиб кўчаларни обод қилсин, деб дуо қилардик.  Дуоларимиз ижобат бўлди. Халқ дардини ҳис қилган ҳоким келди туманимизга, бундан-да катта мартабаларга эришсин илоҳим,-деб ёзади ижтимоий тармоқ фойдаланувчиларидан бири.

Давлатимиз раҳбари ўтказган видеоселектор йиғилишларидан бирида асфальтдан кўра бетон йўлларнинг афзалликлари тўғрисида гапирган эди.