Зафаробод тумани "Ёрқин" маҳалласида туман прокурори сайёр қабул ўтказди 

Президентимиз ташаббуслари билан халқни эшитиш, аҳолининг талаб ва истакларини рўёбга чиқариш давлат сиёсатининг устувор йўналишига айланди. Натижада аҳолининг йиллар давомида қийнаб келаётган муаммолари аста-секин ўз ечимини топиб, одамлар раҳбарлардан, давлатдан рози бўлиб, орзу – истаклари рўёбга чиқмоқда.

Зафаробод тумани прокурори А.Турсунбоев раҳбарлигида туман 2-сектор ҳудудидаги "Ёрқин" маҳалласи аҳолиси билан сайёр қабул ўтказди.

Ўтказилган қабул жараёнида қатнашган 35 нафар фуқаролардан 10 та мурожаатлар келиб тушди. Сайёр қабулда мурожаатлар бирма-бир тингланди. Қабул жараёнида 5 та электр тармоқлари яхшилаш ва 5 та йўл таъмирига оид мурожаатлар келиб тушди. Ушбу мурожаатларнинг 9 таси жойида ҳал этилди. 1та мурожаат мутасаддилар томонидан назоратга олинди.