Зафарободда “Саховат ва кўмак” жамғармаси маблағларининг нималарга йўналтирилгани ойдинлашди

“Маҳалла” хайрия жамоат фонди туман бўлинмаси ҳузурида ташкил этилган “Саховат ва кўмак” жамғармаси ҳисоб рақамига жорий йил шу кунга қадар маҳаллий бюджетлар даромадининг режадан ортиқ бажарилишидан ва суд ҳужжатлари ижроси бўйича тушган маблағларидан ҳамда қолдиқ маблағлари жами 93647,6 минг сўм маблағ ташкил этилган.

Сектор раҳбарлари ва тегишли маҳалла фуқаролар йиғини билан биргаликда туманда аниқланган ижтимоий ҳимояга мухтож бўлган хонадонларнинг тасдиқланган рўйхатларига ва Халқ депутатлари туман кенгаши қарорига асосан жорий йилнинг шу кунигача жами 28 та эҳтиёжманд хонадонларнинг оила аъзолари соғликларини тиклаш, уй-жойини таъмирлаш, жарроҳлик амалиётларини ўтказиш ва бошқалар учун моддий ёрдам сифатида фуқароларнинг банк пластик карталарига жами 28000,0 минг сўм ўтказиб берилди.

Бундан ташқари 10 та “Темир дафтар” руйхатида турган оила хонадонига қуёш сув иситиш тизими ўрнатиш учун 45491,5 минг (қирқ беш миллион тўрт юз тўқсон бир минг беш юз) сўм таъминотчи ташкилотга ўтказиб берилган.