Олий Мажлис ҳузуридаги жамоат фонди иккита Давлат гранти учун танловни эълон қилади

Олий Мажлис ҳузуридаги жамоат фонди “Жамият ва оилада соғлом ижтимоий-маънавий муҳитни таъминлаш” мавзусида Давлат гранти учун 1-танловни эълон қилади.

Танловга нодавлат нотижорат ташкилотлари, оммавий ахборот воситалари ва фуқаролик жамияти бошқа институтларининг қуйидаги мақсадларни назарда тутувчи ижтимоий аҳамиятга молик лойиҳалари қабул қилинади:

1. Ёшларда, айниқса уюшмаган, тарбияси оғир бўлган ёшларда ғоявий ва ахборот хуружларига қарши маънавий ҳамда мафкуравий иммунитетни кучайтириш, уларни жамиятдаги мослашувига кўмаклашиш;
2. Ўсиб келаётган ёш авлодни миллий қадриятларга садоқат руҳида тарбиялаш;
3. "Оммавий маданият” каби салбий иллатларга қарши иммунитетни шакллантиришда ижтимоий тармоқлар имкониятларидан фойдаланиш;
4. Гиёҳвандлик, ахлоқсизлик ва зарарли таъсирдан ҳимоя қилишда таълим муассасалари, оила ва маҳалла институтлари билан ҳамкорликни кучайтириш;
5. Маҳаллаларда, оилаларда ижтимоий-маънавий муҳит барқарорлигига салбий таъсир кўрсатувчи ҳолатларнинг олдини олиш;
6. Жамиятда радикаллашув ва мутаассиблик, ёт ғоялар таъсирига қарши мустаҳкам маънавий ҳимоя қобиги шаклланишига кўмаклашиш;
7. Экстремизм ва терроризм ғоялари тарқалишининг олдини олиш мақсадида анъанавий қадриятлар ва бағрикенглик мафкурасини тарғиб қилиш, ушбу ғояларга нисбатан аҳоли орасида муросасизлик туйғусини шакллантириш;
8. Турли ҳуқуқбузарликларга мойил ёшларни, вояга етмаганларни маънавий-маърифий, ахлокий тарбиялашда ижтимоий шерикликни кучайтириш;
9. Мамлакатда амалга оширилаётган ислоҳотларнинг мазмун-моҳияти ва аҳамиятини кенг жамоатчиликка етказишнинг инновацион шаклларини амалиётга киритиш;
10. Оилавий ажримлар, ноқонуний никоҳларнинг олдини олиш, ёшларни оилавий ҳаётга тайёрлашга кўмаклашиш.

Олий Мажлис ҳузуридаги жамаот фонди “Аҳолини тадбиркорликка кенг жалб этишга кўмаклашиш” мавзусида Давлат гранти учун
2-танловни эълон қилади.

Танловга нодавлат нотижорат ташкилотлари, оммавий ахборот воситалари ва фуқаролик жамияти бошқа институтларининг қуйидаги мақсадларни назарда тутувчи ижтимоий аҳамиятга молик лойиҳалари қабул қилинади:

1. Ҳудудларда ижтимоий ва маиший инфратузилмани яратишга, оилавий бизнес, ҳусусий тадбиркорлик, касаначилик, халқ ҳунармандчилигини ривожлантиришга ҳамда аҳолининг ҳаёт даражаси ва сифатини яхшилашга кўмаклашиш;
2. Давлат органлари ва бизнес субъектлари билан ҳамкорликда ёшлар, аёллар ва ёш оилаларнинг бандлигини таъминлаш;
3. Хориждан вақтинча меҳнат фаолиятини амалга ошириб қайтган фуқароларнинг бандлигини таъминлаш, уларни мамлакатдаги бунёдкорлик ишларига кенг жалб қилиш;
4. Жойларда бандликни таъминлашда, камбағалликни қисқартиришда, айниқса, ёшларни ва аёлларни касбга йўналтиришда давлат органлари билан ижтимоий шерикликни кучайтириш;
5. Уй хужалиги асосида оилавий тадбиркорликни ривожлантириш;
6. Ногиронлиги бўлган ёшлар бандлигини таъминлаш, уларнинг даромад манбаларини кенгайтиришда ижтимоий корхоналарни ривожлантириш;
7. Норасмий банд ёки банд бўлмаган аҳолини касбга қайта тайёрлаш;
8. Хотин-қизлар ва ёшларни иқтисодий, молиявий ва бизнес соҳасидаги кўникмаларини юксалтириш;
9. Миллий ҳунармандчилик соҳасида устоз-мураббийлик анъаналарини янада ривожлантириш, кекса авлоднинг билими, тажрибаси ва меҳнат салоҳиятидан фойдаланиш, уларни хаётга татбик этишга кумаклашиш.

Битта лойиҳа учун ажратиладиган грант миқдори - 100 миллион сўмгача.

1.Ташкилот раҳбари томонидан имзоланган ва муҳр билан тасдиқланган кузатув хати;

2. Олий Мажлис ҳузуридаги жамоат фондининг расмий веб сайти www.fondngo.uz ва t.me/Parlament_jamoat_fondi телеграм каналида жойлаштирилган ва янги юкланган шаклда тўлдирилган давлат гранти лойиҳаси учун ариза;
3. Охирги ўзгартириш ва қўшимчалар билан давлат рўйхатидан ўтган ННТлар ва фуқаролик жамияти бошқа институтларининг Устави (Низоми) нусхаси;
4. Ташкилотнинг давлат рўйхатидан ўтганлиги туғрисидаги гувоҳнома нусхаси;
5. Агар лойиҳани амалга ошириш лицензияланадиган фаолиятни талаб қилса, унда лицензиянинг нусхаси;
6. Ташкилотнинг солиқ қарзи мавжуд эмаслиги туғрисида маълумотнома;
7. Манфаатдор давлат ва жамоат ташкилотларининг тавсия ҳамда қўллаб-қувватлаш хатлари.

Ҳужжатларни Олий Мажлис ҳузуридаги жамоат фондига юбориш тартиби

Ҳужжатлар Ўзбекистон Республикаси Олий Мажлиси ҳузуридаги ННТларни ва фуқаролик жамиятининг бошқа институтларини қўллаб-қувватлаш жамоат фонди номига “Ўзбекистон почтаси” орқали юбориладиган муҳрланган конвертларда (А4 форматда) қуйидаги манзил бўйича қабул қилинади: 100035, Тошкент шаҳри, Бунёдкор кўчаси, 1-уй.

Ҳужжатларни тақдим этиш шартлари ва намуналари билан Олий Мажлис ҳузуридаги жамоат фондининг www.fondngo.uz расмий веб сайтида танишиш мумкин.

Ҳужжатлар 2023 йил 27 февралдан 31 мартгача қабул қилинади.

Маълумот учун телефонлар: (0-371) 239-26-76, 239-26-86.