Жиззахда компетенциялар модели ишлаб чиқилмоқда

Жиззах вилоятида Давлат хизматини ривожлантириш агентлиги масъул ходимлари томонидан КОМПЕТЕНЦИЯЛАР МОДЕЛИни ишлаб чиқиш мақсадида ташкилотларида фаолият юритаётган давлат хизматчилари ўртасида ПСИХОЛОГИК МЕТОДИКА асосида ўрганишлар ўтказилмоқда.

Ушбу компетенциялар модели келгусида давлат фуқаролик хизматида вакант лавозимларни муносиб кадрлар билан тўлдириш, уларни малакасини ошириш ҳамда раҳбарлик лавозимлари учун кадрлар захирасини яратишда қўлланилади.

Мазкур моделининг яратилиши натижасида:
лавозим малака талабларини пухта ишлаб чиқиш;
вакант лавозимларга номзодларни танлаб олишда шахсий ва касбий компетенцияларни ҳисобга олган ҳолда энг муносиб ва мос бўлган номзодни танлаш;
турли даражадаги раҳбарлик лавозимлари учун салоҳиятли кадрларни селекция қилишнинг самарали механизмларни қўллаш имкониятини беради.

Мазкур ишлар бошқа ҳудудларда ҳам ташкил этилиши режалаштирилган.