Зафаробод тумани нуронийлар жамғармаси томонидан “Қўша қариш саодати” тадбири ўтказилди

“Кексаларни давлат томонидан қўллаб-қувватлаш тизимини янада такомиллаштиришнинг қўшимча чора-тадбирлари тўғрисида” ги 92-сонли қарорининг ижроси доирасида, узоқ йиллар биргаликда умр кечириб, қўша қариган кексаларнинг ибратли ҳаётини ёш авлодга тарғиб этиш мақсадида Зафаробод туманида "Қўша қариш саодати" мавзусида тадбир бўлиб ўтди.

Тадбирда "Узун" ҚФЙ ҳудудида фаровон турмушга шукрона айтиб яшаётган ажойиб инсонлар Ш.Шодмонов ва Р.Шодмонова "Писталикент" ШФЙ А.Бурхонов ва М.Бурхонова, "Чимқўрғон" ҚФЙ Н.Рисбеков ва Р.Рисбекова, шунингдек маҳалла фаоллари, ёш оилалар, уюшмаган ёшлар, оилаларнинг яқинлари иштирок этишди.

Учрашувда кекса отахонлар ва онахонлар ўз ҳаёт йўлларидаги қийинчиликлар, эришган муваффақиятлари ҳақида сўзлаб беришди.