Жиззахда кучайтирилан экологик назорат рейд тадбирлари давом этмоқда

Жиззах вилояти Экология, атроф-муҳитни муҳофаза қилиш ва иқлим ўзгариши бошқармаси, вилоят ИИБ ЖХХ  ЖТСБ билан Жиззах шаҳар ҳудудида ўтказилган назорат тадбирларида чиқиндилар билан боғлиқ ҳолатлар ўрганилиб, чиқиндиларни белгиланмаган жойга ташлаш, ноқонуний чиқиндихоналар ҳосил қилиш ва бошқа салбий экологик ҳолатларни бартараф этиш юзасидан назорат ишлари олиб борилмоқда.

Жиззах шаҳрининг «Обод» МФЙ «Тўқимачилар» кўчаси четида С.Б. исмли фуқаро томонидан иш фаолияти натижасида ҳосил бўлган чиқиндилар белгиланмаган жойга ташлаганлиги аниқланди.

Ушбу ҳолат бўйича фуқарога МЖтКнинг 91-прим 1-моддаси 1-қисмига асосан БҲМнинг 2 баравари миқдорида, яъни 660 000 сўм жарима қўлланилди.