Ғаллаоролда тадбиркор ва аҳоли учрашуви ўтказилди 

Ғаллаорол тумани Маржонбулоқ шаҳарчасида фаол тадбиркор ва маҳаллий аҳолининг учрашуви ташкил қилинди.
Учрашувда “NEW-WORLD-SAVDO” корхонаси раҳбари Тоғаева Юлдуз иштирок этиб, аҳоли билан давра суҳбатини ўтказди.
Учрашув давомида иштирокчилар тадбиркорнинг иш фаолияти билан яқиндан танишишди ҳамда тадбиркорликни йўлга қўйиш йўналиши бўйича зарур маслахатларга эга бўлишди.
Самимий руҳда ўтган мулоқотда тадбиркор юртимизда бизнес юритиш учун қулай шарт-шароитлар яратилгани, ундан унумли фойдаланиш муҳимлигини алоҳида таъкидлади.
Ишбилармонлик муҳитини яратиш ҳақидаги суҳбат қизғин тус олиб, иштирокчилар ўзларини қизиқтирган саволларига атрофлича жавоблар олишди.