Дўстлик туманида “Чинобод” маҳалласининг маъмурий биноси фойдаланишга топширилди

Шу муносабат билан бугун бўлиб ўтган очилиш маросимида вилоят ҳокими ўринбосари Акмал Савурбоев, туман ҳокими Шавкат Дарвишев, сектор раҳбарлари, туман фаоллари, нуронийлар ҳамда маҳалла фаоллари иштирок этишди.

Маросимда сўз олган Шавкат Дарвишев сўнгги пайтларда туманда амалга оширилган ишларга алоҳида тўхталиб ўтди.

Хусусан, маҳалла биноси 1.3 млрд. сўм миқдоридаги “Ташаббусли бюджет” лойиҳаси ҳамда бошқа ҳомийлик маблағлари асосида қурилди.

Маросимда сўзга чиққан Акмал Савурбоев ҳамда меҳнат фахрийси Икром Эрматов маҳалла аҳлини бугунги қувончли кун билан қутлади.